如果將來香港特首真係有普選的話，咁即係話係人都有可能參選啦，如果係咁，我會第一個支持劉德華做特首，因為：

1. 特首既民望應該會創歷史新高，因為剩係華仔天地一班fan屎都夠照。
2. 佢應該會係全宇宙最靚仔既領導人，不單可以吸納本地既支持者，世界各地都可以。
3. 刺激經濟，政府可以推出一系列劉華特首的T-shirt，郵票，銀紙．．等等，當手信賣。
4. 刺激旅遊事業，有左劉特首，都唔洗搵其他人做旅遊大使，有劉特首就可以勒，慳番好多。
5. 以後特首出外開會又或者在本地搞記者會，例必有一大班fan屎跟出跟入，場面夠曬有氣派。
6. 到時劉特首就會將儲備基金羅出黎放落香港政府唔重視既電影行業及歌唱行業，咁到時我地會有多d戲睇同多d好歌聽。
7. 每次佢地果d所謂開會啊，討論啊咁，都無咁悶，唔洗轉台，我地又多左d娛樂，唔會覺得政治好悶，多左人關心政治。

不過咁，我都係諗下啫。